მცირე ზომის, მაგრამ საკმაოდ ცხიმიანი ნაჭერი. მომხმარებელს ვთავაზობთ კისრის უძვლო, დარბილებულ ხორცს. შესანიშნავი არჩევანია სადილისთვის, მაგალითად, თქვენი ოჯახის წევრების საყვარელი წვნიანის მოსამზადებლად.

მომხმარებლები ხშირად ითხოვენ კისრის ნაწილის ფარშად გატარებას, რადგან კისრისგან უგემრიელესი კატლეტის მომზადება შეგიძლიათ.

ეს ნაწილი ზომიერზე ოდნავ ცხიმიანი გახლავთ. მომხმარებელს ვთავაზობთ მკერდის როგორც ძვლიან, ისე - უძვლო ხორცს.

პირველ რიგში, მკერდისგან უგემრიელესი ჩაქაფულის მომზადება შეიძლება. გარდა ამისა, შესაძლებელია მოხარშვა სადილისთვის (მკერდი უცხიმო, ცილით გამდიდრებული ნაჭერია), ფარშად გატარება კატლეტისთვის.

როგორც წესი, ნეკნების ნაწილის დარბილება, ანუ ძვლებისგან გამოცალკევება არ ხდება. არის ზომიერზე ოდნავ ცხიმიანი და მკერდის ნაწილისა არ იყოს, თამამად შეგიძლიათ, ის ჩაქაფულისთვის გამოიყენოთ. ასევე, შესაძლებელია მოხარშვა სადილისთვის.

საქონლის დავარგებული და ერთ-ერთი ყველაზე გამორჩეული ნაწილი. მომხმარებელს ვთავაზობთ როგორც ძვლიან, ისე ძვლებისგან გამოთავისუფლებულ, ურბილესსა და უნაზეს ხორცს.

არ სჭირდება წყლის გადავლება, დაბეგვა. რეკომენდებულია მისი შეწვა: გრილის შემთხვევაში, ანტრეკოტის სისქე დაახლოებით 3,5-4 სმ უნდა იყოს, ხოლო ტაფაზე - 2,5 სმ.

ნაკლებად ცხიმიანი და შესაბამისად, შედარებით მშრალი ნაწილია. ასევე, არის ნაკლებად ძარღვიანი და სხვა ნაწილებისგან განსხვავებით, შესაძლოა, ცოტათი მეტი ხარშვა დასჭირდეს. სამაგიეროდ, სწორედ ამ ნაწილში ვხვდებით არტალას, რომლითაც ძალიან სასარგებლო წვნიანის მომზადებაა შესაძლებელი - მოგეხსენებათ, საქონლის არტალა გამორჩეულია კალცის შემცველობით. ამდენად, ექიმების მიერ რეკომენდებულია სუსტი ძვლოვანი სისტემის მქონე ადამიანებისთვის და , ასევე, ბავშვებისთვის.

გარდა ამისა, ბეჭის ხორცს მომხმარებელი ხშირად ფარშად გვატარებინებს - კატლეტისთვის, ტოლმისთვის, გუფთისთვის - რაც თავად ყველაზე მეტად ეგემრიელებათ.

ბარკალიც დავარგებული ნაწილი გახლავთ და „საშიშხინო ხორცის საბადოც“ რომ დავარქვათ, ზედმეტი ნამდვილად არ იქნება. სწორედ ბარკლიდან ვიღებთ შემდეგ ნაჭრებს: სტეიკს, რამსტეიკს, პრემიუმ სტეიკს, სტეიკ სპაიდერს.

გარდა ამისა, ბარკლიდან ვიღებთ რაგუ პრემიუმს, რომლითაც შეგვიძლია სადილის კერძის მომზადება ან თუ გნებავთ, ღუმელში გამოცხობა. ასევე, აქვეა დავარგებული არტალაც, რომლის სასარგებლო თვისებებზე უკვე ვისაუბრეთ.

ზომიერზე ოდნავ ცხიმიანი გახლავთ ნაწილი. შეგიძლიათ, შეიძინოთ, როგორც ძვლიანი, ისე - უძვლო ნაჭრები.

მზადდება ჩაქაფული. გარდა ამისა, შესაძლებელია მოხარშვა სადილისთვის, ფარშად გატარება კატლეტისთვის, ტოლმისა და გუფთისთვის.

საქონლის ყველაზე რბილი სასტეიკე ხორცი თუ გნებავთ, სწორედ ხერხემალი უნდა მოითხოვოთ. აქვეა T-bone, ფილე მინიონი, რომლებიც განსაკუთრებით გამორჩეული ნაწილები გახლავთ.